21-Feb-15 初三新春跑大運 - 環港島59.5K

    各位Ching / Ctse恭喜發財~ 祝大家心想事成~ 日日PB~ 今日黎個新春跑大運, 而環島連埋呢次已經係第十次, 所以今次報告盡量簡, 其實出多D相同閃咭重好啦~ 係O麻~ HaHa~

   今日濕度好高, 頭半段Off road地段地面好濕滑, 要好小心跑, 所以速度唔可以太高~ 當上到砵甸乍山, d頭髮滴哂水, 果d唔係汗, 係霧水~ 山上大霧一片, 地面跣到飛起, 上山都好d, 落山真係要小心翼翼~

    因前半段實在太慢, 當到左赤柱, 之後就係全on road, 我就狂追時間, 一路追呀追, 去到舂磡角道居然撞到偶像Sze Sir, 高興地握下手, 影影相又傾兩句, 跟住大家又繼續旅程~ 可能我見到Sze Sir太興奮, 當我跑左大概1K左右, 先猛然發覺自已未按番start, 所以你響下邊個路線圖係只得58.5k~ 今次用左5:59:12, 後半程追到氣咳呀~ 陰功~

    好啦~ 今次唔咁長氣嘞~ 祝大家全年都行大運~ 不過請放心, 大家至愛o既閃咭, 係唔會省略, 一定原汁原味奉上~ Hahaha~

多謝收睇~ 

- 完 –

8-Feb-15 AXA安盛街馬半馬賽 + 九龍灣->沙田長課

     Hello Everybody~ 好快又過一個星期, 玩完上星期超馬賽, 話咁快就到街馬, 今次安排左跑完半馬賽後, 加插由比賽終點九龍灣跑返去沙田明星~ 事不宜遲, 報告即時奉上~

   星期日凌晨5點起身, 食完早餐+齋啡一杯, 梳靚個蛋撻, 換戰衣上架生, 執埋行李, 準時6點出發~

   搭巴士去到九龍灣地鐵B出口, 等埋幾個老友, 去埋厠所放放水, 就一齊轉shuttle去會場, 中途好鬼塞車, 我又凍到死, 心諗: 頂~早知跑入去啦~ 攪左一大輪, 終於到場嘞, 落車先視察下環境, 原來已經好多跑手到左場, 非常熱鬧~ 我先同其他兄弟會合, 跟住執好行李, 扣上racing belt, 就去存放行李. 排隊存好行李後, 一轉身就撞見Duncan ching, 先黎一個擁抱, 然後即時又遇上ibook ching, 再互相鼓勵一番, 再各自為比賽作最後準備~ (事後發覺當時太興奮, 居然唔記得影張合照).

   聽到大會嗌咪召集上線, 我嗱嗱林搵到Zone B上線位, 盡量攝前D, 希望開步唔會太塞人~ 當時太陽未出, 我繼續凍到pk, 鬼咁辛苦等D開禮嘉賓講一大輪野, 望下錶已經0829, 正~ 終於捱完凍啦~

   3..2..1~ 咇~ 一開步可能因為太凍, 以4’10 pacing跑左幾k, 到體溫漸漸回復正常, 就將pacing修正為4’20, 當出到九龍灣工業區, 大概係官塘繞道下邊位置, 突然有一把熟悉聲音響起: Joe~ 加油呀~, 我望向左邊對面, 見到施sir向我打氣, 同佢輕輕揮手後, 即時精神百倍, 再以4’10 pacing狂奔左一段~

   響條街度左轉右轉, 又上行人天橋又草地又碎石地又盛, 跟住上左官塘繞道, 呢度視野比較開揚, 但去水位左右傾側都頗為嚴重, 要搵個斜位高點黎跑, 會較為平d好跑d~

   呢條官塘繞道差唔多佔左一半路程咁濟, 最好玩係每次經過折返點後, 都可以同對面黎緊O既跑手面對面相遇, 不時聽到: “教主~ 加油呀~”, “Joe~ 加油呀~” 大家大嗌加油之餘, 又同幾位跑手hi five~ 感覺非常好, 氣氛一流~ 正呀~

   去到大概最後3-4k左右, 由繞道落返地面, 係時候踩盡油門嘞, 點知又撞正10k回程, 塞人塞到hihi, 好彩我平日跑長課跑慣旺區, 攝人罅技術都唔錯, 響唔減速情況下左攝右攝, 又俾我過左幾個半馬跑手, 但係當去到最後果條大直路橋O既時候, Oh my god~~~ 多人到, 路又窄, d人又平排四五個~ 點攪? 咁都冇計啦~~ 惟有硬闖人堆, 攝黎攝去, 又唔好意思, 又唔該借借……. 真係屎都滾埋~ 雖然當時馬路已經解封, 屌~ 唔撚理咁多啦~ 直衝落馬路邊, 哈哈, 終於又可以暴走啦~ 好~ 一鼓作氣下以4’15 pacing狂奔, 其間工作人者不停叫上返行人路, 但係響果個moment, 又點理得咁多, 直到橋尾先入番行人路, 唔係就入唔番終點衝線位~

   轉入最後90度角灣位, 知道一定有好多鏡頭對住, 咁緊係用最靚o既跑姿同表情衝過終點感應區~ 衝線後睇睇錶, 自己紀錄就1h 30m, avg. pacing 4’20, 時間過得去啦~ 因為緊接重有下一場長課, 點都要留番D力~

   響終點位企左一陣, 等左一兩個兄弟衝線, 另有三位跑會ching響比賽中途拍跳左一大段, 當佢地都緊接衝線後, 大家惺惺相識, 俾左個five, 拍拍大家膞頭, 感覺好有氣氛~ 跟住去番行李區取回行李, 之後在場中四圍行下, 先再回去會合朋友~ 在場中撞見Swing-KE ching同好多ching老友, 實在唔好意思, 太多我都唔太記得名啦~

   在場邊會合番朋友, 大家影相留念, 吹下水, 跟住就一齊行番出去Mega Box~將紀念牌同行李交朋友暫保管~ 行到megabox附近, 同朋友道別後, 就開始和另一位ching開始下一場長課 – 九龍灣->沙田嘞~

   第二場長課就唔詳述啦~ 全日總共大概51k左右, 雖然唔算太多, 但全日節目豐富, 都非常滿足囉~

後記:
 
    基於上星期超馬賽上半段顧住昅野睇女, 下半段又肚痛, 以致成績唔太理想, 令各位失望~ 所以今次跑得非常專心, 冇睇女同欣賞風景, 基本上我都唔知跑左去邊, 只係見路就衝, 同不停睇pacing同時間, 盡力跑得好d, 以答謝大家對小弟o既鼎力支持~

    今次閃咭雖然冇上次咁多, 但都會繼續大放送~ 又要麻煩各位ching / ctse過膠放銀包啦~~ haha~ 多謝收睇~

    最後大會公布賽果, 組別第17, 全場第71, 大會時間 1:30:32~

**特別鳴謝兄弟David又再捱義氣做義務攝影師, 非常感激~

-完-

1-Feb-15 6小時 Ultra Marathon 賽後報告及感想~

   第一屆香港超馬賽終於完滿結束, 今次講下當中經歷同埋感受, 同大家分享一下~

   31-Jan-15星期六朝0930左右去到大埔白石角海濱長廊, 同在場12及24小時賽跑手打打氣, 兼等住偶像關家良一合照~ 之前果晚一直睇住即時賽表, 見關家突然落後, 當時已心知不妙, 到現場後, 即和在場記者打聽, 不出所料, 關家大概響2300左右傷左, 之後跑下行下.

    到場響終點位等左一陣, 終於見到偶像正在賽道步行, 但仍然臉帶笑容, 沒帶半點氣餒之餘, 還親切地和各位打氣fans握手, 果份體育精神同待人態度, 真係值得尊敬~ 咁我就緊係唔蝕底, 先同佢握手, 直到夠鐘賽事完畢, 馬上飛奔過去同佢合照, 非常開心~ 另外有一位跑手一定要講, 就係癲傻200嘅Sze Sir, 佢全程輕鬆完成, 賽後同佢合照後, 同佢傾左一陣, 佢雖然剛跑完24小時, 但好似完全唔倦, 講野仍然有氣有力, 實在太利害~ 跟住攞埋選手包就走人囉~

   好啦~ 到左1-Feb-15星期日6小時比賽當日, 我大概1200到場, 先跑下熱下身, 跟住撞見好多熟人, 又有成班跑手兄弟到場打氣支持, 大家影相傾計, 非常熱鬧~ 攪笑野都有d, 現場工作人員成日問我條腰有冇20吋~~ haha~ 邊有咁跨張呀~~到左1300左右, 我發現偶像到場, 緊係第一時間同佢影張戰衣合照, 真係開心過中六合彩~

     1350左右嗌咪集合上線準備起步, 1400準時開跑, 可能今次都係諗住攞下經驗, 因我好少比賽, 頭段30k我好心散, 基本上四圍昅野, 睇下d黑膚色女跑手, 望下場邊兄弟, 揮下手影相咁~~ 一直跑下望下去到中尾段突然肚痛, 急急去厠所攪左一輪, 痾到軟軟地, 之後狀態一直上唔番, 左邊小腹人魚線果個位肌肉又有d痛, 用拳頭打左幾下又好番d~

    咁嘅情況下, 都唔敢亂衝上去, 用住均速睇定d先~ 但當諗起香討好多ching / ctse都同我打緊氣, 好~ 照上! 加快d追左幾個名次, 左下腹又黎料, 惟有用番均速跑至完賽~ 賽果名次係全場第11, 組別第二~ 成績唔算理想, 有負各位厚望, 真係萬二分致歉~

後記:
總結呢次經驗, 肯定係比賽經驗不足, 可能事前都係諗住當佢係平時超長課去處理, 心理上太過輕鬆, 計劃唔夠周詳~ 不過唔緊要, 下一次我一定會做足準備, 唔再放鬆, 預備一定會更加充足~ 下年超馬再見~

    今年香港超馬賽係第一屆舉辦, 所以傳媒報導唔多, 以致唔太多人注意, 或者根本唔知係咩黎~ 不過唔緊要, 只要我地多多支持, 多D跑手擁躍參與賽事, 我相信終有一日, 會受到廣大群眾注視, 規模越來越大, 越來越成功, 全民超馬, 大家努力~ Yeah~~~

當然大家期待嘅閃咭已經預備好, 繼續過膠放銀包啦各位~~ haha~ 多謝收睇~

***特別鳴謝好兄弟Dick專車接送, 同埋David 和 Clara 義務負責全程攝影, 今次閃咭靠哂佢地~

-完-

17-Jan-15 超馬賽預備超長課 74K (沙田->大圍->馬鞍山->大美督->沙公->粉嶺->太和->沙田)

Hello~ 各位, 小弟都好耐冇出報告, 實情訓練就一直冇停, 只係小弟實在太懶打字同寫文~

   因為呢次超長課主要為為超馬賽作預備, 所以會跑得比較認真, 主要集中嚴控pacing同心率, 全程留意住身體反應情況, 分配體力等等~ 因此冇咩時間影靚相俾大家欣賞, 同埋今次報告亦會比較簡短, 敬請見諒~ OK, 馬上入正題~

   事緣小弟參加左1-Feb個超馬賽, 今日諗住黎個賽前終極超長課, 咁緊係要breakthrough一下, 之前record high係65k, 咁70k就一定走唔甩啦~ 琴晚計劃好條route, 計埋數用咩pacing , check point時間, 就嗱嗱林早d訓, 抖足精神~

   天未光就起身, 例牌5片麵包加杯齋啡做早餐, 攪惦就換戰衣, 上齊裝備, 出發~ 起步點為明星海鮮舫, 先去顯徑再折返城門河, 經孖橋入馬鞍山長廊, 到盡頭再返孖橋先入大尾督, 好處係未入大埔已經跑左21k, 咁樣就保證唔會臨尾縮沙走數~

   經吐公到元洲仔, 大埔海濱穿過工業村, 沿汀角路到達大尾督. 洗洗面, 食左包餅就殺上新娘潭路入鹿頸, 再順住沙頭角公路去到粉嶺~ 左轉右轉黎到大窩東支路同九龍山, 呀~ 發覺已經舖靚哂條路, 可能我太耐冇黎, 以前條路爛到阿媽都唔認得, 又多村狗~ 依家就好好跑o羅~

   過埋九龍山去到水圍, 又係靚仔路, 重分開單車同人, 以前係窄到嘔兼人車爭路, 好鬼煩~ 過埋太和跟住又跑返到元洲仔, 響大王爺廟隔離公園, 撞見有個跑友話睇開我個跑步blog, 吹左兩句又繼續上路~ 回又經番吐公, 水廠街回到孖橋, 睇睇錶已經跑左72.5k, haha~ 呢次重唔record high!! 快快手跑返明星就正式完成呢課超硬野~

後記:
最初本來計劃用平均6分pacing, 頭半段進取d用5分25 pacing, 咁就算後段跌watt都唔會跌出6分~ 但係今日好似食左藥, 上鹿頸頭段長命斜都一樣keep到, 就算去到50k都係跌左5秒, 咁就玩盡d, 一於keep 5分半左右到尾~

  雖然風景相就少d, 但大家至愛嘅閃咭系列就緊係繼續供應啦~ 記得print出黎過膠放銀包啦~

終於明白一直不斷超長課, 其實係追求緊d 咩?? 究竟呢個係唔係一個終極答案???

今次想同大家分享下一d對跑步嘅諗法~

    唔止一次，有人問我點解要跑咁長同咁密? 又越追越長，又要烈陽又要暴雨? 就算玩超馬亦唔需要咁攪法?

    而我自己亦有分析過: 比賽其實我唔太熱衷，因為唔鐘意俾人規定呢樣，規定果樣，咁究竟我追求緊d咩呢? 其實就連我自己都唔知～ 所以每次都只係是但答: 我鐘意囉～

不過，我諗我已經搵到答案，雖然未知係唔係終極答案～

我終於知道，原來我一直想找尋嘅，並唔係能力嘅上限，亦唔係簡純嘅痛楚～

而係果種瀕死，最接近死亡嘅感覺～

原來係叫”湼槃的精神狀態”～

   唔覺意睇到呢段野，最後形容果種感覺，就好似終於搵到知音人一樣，開心到要即刻同大家分享一下～

23-Aug-14 熱血狂人 - 環港島超長課63.5k

    自從上次六月尾試過第一次環島之後，一直心思思想再跑～ 一來上次帶病上陣，覺得表現麻麻，二來第一次跑唔熟路，跑一陣又要睇GPS, 又跑錯路又盛，攪到好唔爽同唔夠盡興! 而今次無論精神同體能狀況都非常good fit, 天氣雖然都係曝曬，但比起上次已經較為舒服，一切都完美配合，唔盡情環島跑獲金就真係對唔住自己囉～

   因為今次同上次環島路線大致相同，所以今次報告就只會補少少相, 同埋唔太多詳述，如有興趣可到<<28-Jun-14 環港島一週 - 無懼病魔 熱血制霸 57K 長課>>，重溫番上次環島嘅詳細報告～

   今次改由鯉景灣嘅港島體育館（電影資料館隔離）作為起點及終點～ 鎖好行李後就向東順時針方向跑，經小西灣上砵甸乍山，到達大浪灣，沿大浪灣道，石澳道，落港島徑第七段，穿過大潭篤村，上老虎山引水道，落番赤柱峽道，沿 赤柱村道去到赤柱廣場～而最難捱就係呢段，之後經淺水灣，深水灣，黃竹坑道，華富邨，數碼港，沿域多利道出到西環，上環，中環.........一直沿住 海岸線，最後終於完成環島一周，返到終點 — 港島體育館.

總結：

   今次環島超長課，可能天氣較為舒服，加上期待左再次環島好耐，體能異常地好，尾段至北角居然重可以加速，返到港島體育館，重游左一個鐘頭水，先至梳洗走人～

- 完 -